La distinción de “Quesero Mayor de Asturias 2016”. Distinción creada en 1992 por la Hermandad de la Probe y la Asociación de Queseros Artesanos del Principado de Asturias, para premiar y reconocer el trabajo de aquellas personas, entidades o instituciones que se hayan destacado a lo largo del año en la promoción y defensa de los quesos asturianos.
En su reunión celebrada en la Foz de Morcín, el 11 de septiembre de 2016, con motivo de la veintiocho edición de la Feria de los Quesos Artesanos que se celebra en la localidad, de representantes de la Asociación de Queseros y de la Hermandad, fallaron el galardón en su vigésima quinta edición. Galardón que fue concedido a Luis Javier del Valle Vega, experto catador quesero, escritor gastronómico, con especial énfasis en los quesos y gestor de la web www.dendecaguelu.com Galardón que le fue entregado durante el acto oficial de la trigésima séptima edición del Certamen del Quesu d´Afuega´l Pitu, celebrado el 22 de enero de 2017, en la Foz de Morcín. Y cuya figura fue glosada por el escritor y amigo personal del galardonado, Luis Antonio Alias:

Préstame que a esti rapaz
al que tengo por llumbrera,
y que ye doutor en quesos
de una llechi o de reciella,
(quesos de valles y picos,
quesos de horru y de cueva,
quesos curados y tiernos,
picones, mofles, de seda,
d´ Asturies y de La Mancha,
de Portugal y Valencia),
préstame, digo, que i-den
por drechu, xuiciu y xusteza,
el título de queseru
mayor de la nuesa tierra.

Merezlo, perque trabaya,
dende ca guelu o ca guela,
pa que el quesu de Cabrales,
el de Pría o Peñamellera,
los de Llanes y los Beyos,
el Gamonéu y el de Piedra,
y el que aquí, tan selequín,
el pitu embruxa y afuega,
los conozcan per el mundiu
y abluquen con so presencia.

El nueu queseru mayor,
Lluis Xabel del Valle Vega,
tien ñacencia en Xixón,
ye carbayón de presencia,
metióse en empresariales
pa saber coses de empresa,
que-i sobra puxu puxando
por xeres que den riqueza
en gustu, cultura, viaxes,
emplegos y conocencias.

Dirixó a los hosteleros,
y dirixió la so escuela
onde deprendieron guisos
rapazos güey con estrella,
con soles, con michigrinos,
e inclusive Calderetas.

Casose muy bien casau
con una muy guapa neña
que vien de Cangues d´Onis,
que ye venir de realeza,
y donde fai ya sieglu y mediu
la so familia rexenta,
de quesos y de embutidos,
la más veterana tienda:
“n´el comercio d´Aquilino,
tan d´Asturies los cincuenta
fromaxos del Paraísu
númberú que xorrez y aumenta”.

Lluis Xabel dirixe cates,
y monta una conferencia
cerca la gastronomía
que t´abluca y empondera,
y en unes cuantes revistes,
escribe con gracia encesa
de chigres y restaurantes,
de fabes, compangos, berzas,
de carnes roxes vacunes,
prietes de pitu caleya,
azules de aguya y xarda,
rosines de gochu celta.
Y de quesos, que repito,
ye tanta la so sapiencia
que ye doutor con honores
de cofradía y de academia,
por Asturies, por España,
y por la Serra d´Estrela.

Ye xustu esti nombramiento,
ye xusta esta recompensa,
los hermanos de La Probe,
que ye virxen milagrera
a la que-i gusten los nabos,
y la meyor casadiella,
y el afuega´l pitu roxu,
y el tocín y la morciella,
ye rica faciendo amigos,
en tornu a una bona mesa.

Y los queseros d´Asturies,
asturianos de braveza,
que resisten al franchute,
al holandés y a Bruselas,
onde el quesu sabe a mofu,
o a nada sabe, o non presta,
dan así mesmu un puntazu,
xuntándose a la aveniencia:

Señores, q´agora fale,
Luis Javier del Valle Vega,
Queseru mayor d´Asturies:
Un título de nobleza.